பக்கங்கள்

Friday, February 16, 2018

மீண்டும் தொடரும் இம்சைகள்-11

ஊரோடு ஒத்துபோ....தெருவோடு ஒத்துப்போ.... விட்டுகொடுத்தால் கெட்டுப் போவதில்லை ....போகும் போது என்னத்த கொண்டு போகப்போற.. என்று தெரிந்தோ...தெரியாமலோ... குள்ளநரிகளுக்கும்  குள்ளநரிகளின் பக்கிகளுக்கு   ஆதரவாக எனக்கு அறிவு உரை செப்பிய நல்ல உள்ளங்களுக்கு...... இந்த பதிவு



எனது அனுபவத்தில் கைத் தொழில்களில் சில சுளுவானவை, பல கஷ்டமானவை....எனது தாயாரின் பொருளாதாரத்தில் உயர்ந்த படிப்பு படிக்க முடியாமல் போனது எனது துரதிஸ்டம்தான். அரசு வேலைக்கு ஆசை படுவது என்பது எட்டாக் கனியாக இருந்த போதிலும் அதற்க்கான முயற்சி  செய்தும் முடியாமல் போனது எனது அதிர்ஷ்டம்....

நான் பத்தாவது படித்துக் கொண்டிருந்தற்கு முன்பே எனது கைகளும் விரல்களும் வேலை செய்வதற்ரிகுய கருவியாக விளங்கி விட்டாலும் எனது 50 வயதிற்குக்பின்தான் எனது சிந்தனையும் ஒரு கருவியாக பயன்பாட்டுக்கு வந்தன.

 சில சமயங்களில் நான் செய்யும் வேலைகளில் நுணுக்கமான வேலைகள் செய்வதற்கு எனது கைகளும் விரல்களும் திறனற்று இருப்பது போலவே எனது மூளையும் நுணுக்கமான சிந்தனை செய்வதற்கு சக்தியற்று இருந்திருக்கிறது... இது என்தாய் தந்தையின் கொடி வழியாக வந்ததா என்பது தெரியவில்லை.

அதற்கு ஒரு உதாரணமாக சொல்வதென்றால்...எனது வீட்டிற்கு பாதாள சாக்கடை இணைப்பு கொடுப்பதற்க்காக  பத்து பதினைந்தாயிரத்துக்கு மேல் செலவு செய்து உயர்நீதிமன்ற உத்தரவு பெற்றும்..ஆங்கில வழி தீர்ப்பினால் என்னவென்று முழுமையாக தெரியாமல்...பல வாக்கியங்கள் புரியாமல்..காவல் நிலையத்தில் பேசவும் முடியாமல்... அதுகள் சொல்வதும் புரியாமல் என் மீது வழக்கு போட்ட என்தெருவில் வசிக்கும் இரண்டு கால் குள்ள நரிகளின் தந்திரங்கள் தெரியாமல் குள்ள நரிகளுக்கு ஆதரவாக  பெண் உருவில் வரும் பக்கிகள் தகிடுதத்தங்களுக்கு பயந்து பின் வாங்கியுள்ளேன்.. என் தாய் மொழியில் நீதிமன்ற உத்தரவு இல்லாததும் ஒரு இம்சைதானே...

பெண் உருவில் இருக்கும் என் தெரு பக்களின் தகிடுதத்தங்கள்..இதுதான். கூட்டமாக வந்து என்னுடன் சண்டையிடுவது... நான் திருமணம் முடிக்காமல்
இருப்பதை பற்றி வசவு மொழிகளில் திட்டுவது..பின் கூட்டத்தில் ஒருவர் ..நான் கையை பிடித்து இழுத்தாக பொய்புகார் செய்வது... இது பழைய கதை பின்னால் இதை பதிவிடுகிறேன்.

இப்படியான வழிகளில் என்னை முடக்கும் குள்ள நரிகளை ,பொய்ப்புகார் கொடுக்கும் பக்கிகளை எதிர்க்க நுணுக்கமான சிந்தனையும் பலமும எனக்கு இல்லாததும் ஒரு இம்சைதான்...

என் உடல் உழைப்பு மாதிரியேதான் எனது சிந்தனையும் வளரந்திருக்கிறது. செக்கு மாடு போல என்று எடுத்துக் கொளளலாம். முப்பது வருடங்களாக செய்து வந்த வேலையிலிருந்து விலகி..திடிரென்று வேறு வேலை செய்ய முற்ப்பட்டால் தோன்றும் இம்சையைப் போல்தான்..வீடு  இடம், வழக்கு என்று அந்த வேலையை செய்யும் போது பல வகைப்பட்ட இம்சைகள் புதுசு புதுசாக முளைத்து வருகின்றன.... பழைய இம்சைகளுடன் புதிய இம்சைகளும் கை கோர்த்து வலம்    வருகின்றன...

வரும் இம்சைகள் எனக்கு இருக்கும் பலத்தை விட, எனக்கிருக்கும் அறிவைவிட ..அதிக பலத்துடன் இருக்கின்றன. பல வகைகளில்  தொடர்ந்து இம்சைகளை தருவதால்தான்  மீண்டும் தொடரும் இம்சைகள் என்று தலைப்பிட்டு எழுதி வருகிறேன். கேடு கெட்ட இந்த சமூகத்தில்  நான்

முதன் முதலில் என் வாழ்வுக்காக கைத் தொழிலில் செய்த போது ஏற்ப்பட்ட இம்சைகளை எதிர்க்கொண்டு  வந்தது போலவே....குள்ள நரிகளின். பக்கிகளின் இம்சைகளால் ஐய்யாயிரம்  தடவை தோற்றாலும்  ..என் சிந்தனை நிற்பதற்குள் ஒரு தடவையாவது ஜெயிப்பேன் என்பதை நானறிவேன்...

படம் இதைக் கொண்டிருக்கலாம்: உரை


Monday, February 12, 2018

மீண்டும் தொடரும் இம்சைகள்-10

வரும் வழியில்தான் தமிழ்மணத்தை பார்த்தேன். அதில் அறிமுகமான, தெரிந்திருந்த சிலரைத் தவிர... முன்னால் இன்னால் பதிவர்களைக் காணவில்லை...எல்லாம் புதியவர்களாக இருந்தார்கள். அவர்களின் தளத்துக்கு போய் பார்த்த்தால் 19ம் நூற்றாண்டில் எழுதிய பதிவாக இருக்கிறது. அதில் ஆப்பு வைத்துவிட்டார்களா? என்று மகிழ்ச்சி வேறு பீறிட்டு கிளம்பகிறது. இவை இப்படி இருக்க....
தமிழ் மணமும்..இப்போது.“.போன மச்சான் திரும்பி வந்தான் பூ...மனத்தோட”என்ற கதையாக புதுப்பிக்கப்பட்ட தேதியையும் நேரத்தையும் காட்டியபடி  இருக்கிறது..

முன்னோரு காலத்தில் மொய்க்கு மொய்யாய் பரந்துரைக்கப்பட்ட  இடுகைகளில்  ஒரு இடுகையையும் காணவில்லை....வசதியானவர்கள்தான் அதிக மொய்யில் பெயரும் புகழும் பெற்று விளங்கினர்.  மொய் விவகாரம் தமிழ் மணத்திற்கே அதிக இம்சையாக இருப்பதால் ....ஓட்டு பட்டையை நீக்கி  விட்டார்களோ..? என்று நிணைக்கிறேன்.

சில மாதங்களுக்கு முன்னால் தமிழ்மணத்தில் முதல்வனாக இருந்து வந்த ஜோக்காளியை  மர்மயோகிகளால் பின்னுக்கு தள்ளியதால்..மர்மயோகிகளின் இம்சைகளால் பிளக்கர் தளத்தை விட்டு வெளியேறி விட்ட. .பகவான் அவர்கள் இட்ட ஏவல்களால்.. தமிழ்மணத்தில் இருந்து வந்த இம்சைகள் நிறுத்தப்பட்டு, வேறு வகைகளில்  மீண்டும்  தமிழ்மண இம்சைகள்  தொடர்கின்றன.. என்று.எனது அறிவின் பின் சைடில் மூட்டை கட்டி வைத்துள்ள  ஒரு பகுதிக்கு படுகின்றன.....

என் வாழ்நாளில் பல தரப்பட்ட பல வகையான பல்வேறு இம்சைகளை தொடர்ந்து அனுபவித்து வருகிற காரணத்தால்  பத்தோடு பதினொன்றாக இல்லை பனிரெண்டாக தமிழ்மண இம்சையையும் அந்த வரிசையில் சேர்த்துக் கொண்டு.... பதிவு எழுத கம்யூட்டரில் இடம் கிடைக்காத காரணத்தால்  இந்த இம்சையை இத்துடன் நிறுத்திக் கொண்டு அடுத்த இம்சையின் அனுபவத்தை தொடருகிறேன்... 

Sunday, February 04, 2018

மீண்டும் தொடரும் இம்சைகள்-9

உழுதவன் கணக்கு பார்த்தால் உமி கூட மிஞ்சவில்லை என்பது போலத்தான் என் கணக்கும் ஆகி போச்சு   ....  அழைப்பிதழ் விற்பனை கடைக்கு பாக்கி  கடன்தான் மிஞ்சியது.


எப்படி கடன் வந்தது என்று கணக்கிட்டு பார்த்தபோது கணக்கு சரியாகத்தான் வந்தது.. பனிரெண்டு பத்திரிக்கை அழைப்பிதழ்  வேலை கொடுத்தவர்கள் எல்லாம் மறக்காமல் அழைப்பிதழை  கொடுத்துவிட்டு கண்டிப்பாக வரவேண்டும் என்று கட்டளையிட்டுவிட்டார்கள்.... கிடைத்த கூலியில் வீட்டு தேவையை சுறுக்கி எல்லா நிகழ்ச்சிகளிலும் மருமகன்களை கலந்து கொள்ள செய்து மொய் செய்தாகி விட்டதிலும் முதல் மருமகனின் மாமனாரின் தந்தை இறந்துவிட்டதில் ஏற்பட்ட செலவுகளில்   மாங்மாங்கென்று செய்த வேலையின் வரவுகள் அனைத்தும் செலவாகி அழைப்பிதழ் விற்ற கடைக்கு பாக்கி கடனாக நிற்பது தெரிந்து விட்டது... அடுத்த வேலையின் போது கடனை அடைத்துவிடலாம் என்று தஞ்சாவூர் விவசாயியைப்போல் திட்டம் போடத்தான் முடிந்தது..


என் அனுபவத்தில் எனது திட்டம் நன்றாக இருந்தாலும் அந்த திட்டத்தை செயல்படுத்துவதில் ஏகப்பட்ட இம்சைகள் வந்து தடுக்கும்... சுற்றி இருக்கும் தெருக்காரர்களிடமிருந்தும் வெளியிலிருந்தும் என் வீட்டிலிருந்தும்  அதிகமாக இம்சைகள் வந்து சேரும்.. அந்த இம்சைகளை சமாளித்துக் கொண்டுதான் ஓடிக் கொண்டு இருக்கிறேன்.

நண்பர்களின் சிலர்  உனக்கென்னப்பா..பிள்ளையா ? குட்டியா? மனைவி பிடுங்கலா... தாய் தந்தை புலம்பலா என்று கேட்கும்போது..... கோபம் வந்தாலும் அடக்கிக் கொண்டு...... இப்ப என் வீட்டில இருக்கிறவுங்கலாம் யாரு? அவுங்களுக்கு வாயி வயிறு எதுவுமே கிடையாதா? என்று கேட்டால்..... உன் திமிரு? உன் கொழுப்பு... அம்மா சொல்லிச்சு....பாவம் புன்னியம் இப்படித்தான் என்று ஒரு பக்கம் அப்படியும் இன்னொரு பக்கம் இப்படியும் பேசி வாய் வார்த்தைகளில் இம்சை கொடுப்பார்கள்......

இயற்கையும் சரி... இயற்கை படைத்த மனிதர்களும் சரி..எனக்கு கொடுக்கும், கொடுத்த இம்சைகளின்  பதிவை ஒவ்வொன்றாக வெளியிட்டு என்னுடைய வாழ்க்கை பயணத்தை தொடருகிறேன்

ஒரு வழியாக தமிழ் மணமும் பதிவர்களுக்கு கொடுத்து வந்த இம்சையை குறைத்து இருக்கிறது..அதனால் பதிவர்  மற்றும் வாசகர்களின் இம்சைகளும் குறைந்துள்ளது என்றே நிணைக்கிறேன்... அந்த இம்சைகள் என்னவென்று அடுத்த பதிவில் தொடருகிறேன்.